TOOLS
အမှတ်တံဆိပ်များထံမှ ဝင်ငွေရှာခြင်း
သင့်လုပ်ငန်းကို တည်ဆောက်ပြီး အမှတ်တံဆိပ်များနှင့် အကျိုးတူပူးပေါင်းမှုမှ ဝင်ငွေရှာခြင်း
သတ်မှတ်ချက်များကို ကြည့်ရန်
Meta ၏ အမှတ်တံဆိပ်ကိုယ်စားပြု အကြောင်းအရာ မူဝါဒများ နှင့် မိတ်ဖက် ဝင်ငွေရှာဖွေခြင်းဆိုင်ရာ မူဝါဒများကို လိုက်နာရပါမည်
လူမှုစံနှုန်းများ နှင့် အကြောင်းအရာဖြင့် ဝင်ငွေရှာဖွေခြင်းဆိုင်ရာ မူဝါဒများ ကို လိုက်နာရပါမည်
Facebook စာမျက်နှာကို စီမံရန် သို့မဟုတ် သင့်ပရိုဖိုင်ကို လုပ်ငန်းသုံးအဖြစ် ဖွင့်ရန်
Facebook ပေါ်ရှိ ဖန်တီးသူ အမှတ်တံဆိပ်ဆိုင်ရာ ကိရိယာများသည် အခပေး အမှတ်တံဆိပ် ပူးပေါင်းဆောင်ရွက်မှုအတွက် သင့်ကို ပိုမိုလွယ်ကူစွာ သတိပြုမိစေရန်နှင့် Meta ပလက်ဖောင်းများအနှံ့ သင်၏ တည်ရှိမှုမှတစ်ဆင့် ရရှိနိုင်မည့် ဝင်ငွေအခွင့်အလမ်းများကို ဖော်ထုတ်ပေးရန် ပိုမိုလွယ်ကူချောမွေ့စေပါသည်။
အမှတ်တံဆိပ်များက ရှာဖွေတွေ့ရှိစေရန်
Meta ၏ ဖန်တီးသူဈေးခင်းတွင် ပါဝင်ခြင်း သို့မဟုတ် မိတ်ဖက်အခွင့်အလမ်းများဖြင့် သင်နှစ်သက်သည်များကို မျှဝေရင်း သင်ကဲ့သို့သော ဖန်တီးသူများကို ရှာဖွေနေသည့် သင့်တော်သည့် အမှတ်တံဆိပ်များကို ထင်ပေါ်အောင် လုပ်ဆောင်လိုက်ပါ။
သင့်အသိုင်းအဝိုင်း၏ ယုံကြည်မှုကို ထိန်းသိမ်းထားရန်
ပွင့်လင်းမြင်သာမှုရှိပါ။ အမှတ်တံဆိပ် ကိုယ်စားပြု အကြောင်းအရာဆိုင်ရာ ပို့စ်များတွင် အခပေး ပူးပေါင်းဆောင်ရွက်မှုအညွှန်းကို အသုံးပြုခြင်းဖြင့် သင်၏ အမှတ်တံဆိပ် အကျိုးတူပူးပေါင်းမှုများအကြောင်းကို သင့်စောင့်ကြည့်သူများအား အသိပေးပါ။
ပူးပေါင်းကြော်ငြာများဖြင့် ဝင်ငွေပိုရှာလိုက်ပါ
သင့်အမှတ်တံဆိပ် ကိုယ်စားပြု အကြောင်းအရာများကို ပူးပေါင်းကြော်ငြာများအဖြစ် ပြသရန် အမှတ်တံဆိပ်များကို တောင်းဆိုပါ — ဤသို့ဖြင့် သင်၏ အကြောင်းအရာများသည် သင်နှင့် အဆိုပါအမှတ်တံဆိပ်ကို စောင့်ကြည့်ထားသူများထက် ကျော်လွန်၍ အခြားသူများထံသို့ ရောက်ရှိနိုင်သည့်အပြင် ထပ်ဆောင်းအသုံးပြုခွင့်များ ပေးအပ်ရခြင်းအတွက် ပိုမိုမြင့်မားသော ပေးချေမှုများကိုလည်း အမှတ်တံဆိပ်နှင့် ညှိနှိုင်းနိုင်မည် ဖြစ်ပါသည်။
စတင်လိုက်ရအောင်
Facebook နှင့် Instagram ပေါ်ရှိ အမှတ်တံဆိပ်ကိုယ်စားပြု အကြောင်းအရာဖြင့် ဝင်ငွေရှာဖွေရန် ကနဦးအဆင့်များကို စတင်လုပ်ဆောင်ပါ။
@laurdiy သည် အမှတ်တံဆိပ်များ၏ ကမ်းလှမ်းမှုများမှ ဝင်ငွေများပိုမိုရရှိရန် Meta မိတ်ဖက်ပူးပေါင်းကြော်ငြာများကို ထိထိမိမိ ရှင်းပြထားပါသည်။
@cassyeungmoney သည် Meta မိတ်ဖက်ပူးပေါင်းကြော်ငြာများဖြင့် သူမ၏ဝင်ငွေကို မြှင့်တင်ခဲ့ပါသည်။
သင့်အမှတ်တံဆိပ် မိတ်ဖက်ပူးပေါင်းမှုမှ အကျိုးအမြတ်များရရှိအောင် လုပ်ဆောင်ပါ
အမေးများသော မေးခွန်းများ
အမှတ်တံဆိပ်ကိုယ်စားပြု အကြောင်းအရာနှင့် ပူးပေါင်းကြော်ငြာများကြား ကွာခြားချက်က ဘာလဲ။
အမှတ်တံဆိပ်ကိုယ်စားပြု အကြောင်းအရာသည် အမှတ်တံဆိပ်နှင့်ပတ်သက်ဆက်နွယ်မှုကို ဖော်ပြရန် "အခပေး ပူးပေါင်းဆောင်ရွက်မှု" အညွှန်းနှင့်အတူ သင်ဖန်တီးသည့် ရိုးရိုးပို့စ် ဖြစ်ပါသည်။ ပူးပေါင်းကြော်ငြာများဆိုသည်မှာ အမှတ်တံဆိပ်တစ်ခုက သင်၏စောင့်ကြည့်သူများထက် ကျော်လွန်သည့် လူများထံသို့ ပျံ့နှံ့ရောက်ရှိစေရန် အထူးသဖြင့် ဤအကြောင်းအရာအတွက် ကြော်ငြာစရိတ် ထားရှိသည့်အခါ ဖြစ်ပါသည်။ ၎င်းကို "ကြော်ငြာ" အညွှန်းနှင့်အတူ ပြသပါသည်။
ပူးပေါင်းကြော်ငြာများကို မည်သည့်နေရာများတွင် ပြသမှာလဲ။
အမှတ်တံဆိပ်က ကြော်ငြာကမ်ပိန်း စီစဉ်ထည့်သွင်းပုံပေါ်မူတည်၍ ပူးပေါင်းကြော်ငြာများသည် Facebook နှင့် Instagram အနှံ့တွင် ပေါ်နေပါမည်။
ကျွန်ုပ်၏ ရိုးရိုး အမှတ်တံဆိပ်ကိုယ်စားပြု အကြောင်းအရာအားလုံးကို ပူးပေါင်းကြော်ငြာအဖြစ် ပြောင်းလဲနိုင်ပါသလား။
သင့်ထံတွင် လိုအပ်သည့် ကြော်ငြာခွင့်ပြုချက်များ ရှိပြီး လိုင်စင်ရရှိထားသော တေးဂီတကို ရှောင်ရှားနေသရွေ့ အကြောင်းအရာအားလုံးနီးပါးသည် သတ်မှတ်ချက်ပြည့်မီပါသည်။
ပူးပေါင်းကြော်ငြာမည်မျှကို တစ်ပြိုင်နက် ပြသနိုင်မလဲ။
တစ်ပြိုင်နက်တည်း ပြသနိုင်သည့် ပူးပေါင်းကြော်ငြာများ၏ အရေအတွက်ကို Meta က ကန့်သတ်မထားပါ၊ သို့သော် သင့်အမှတ်တံဆိပ် ပါတနာများ၏ မျှော်မှန်းချက်များနှင့်ပတ်သက်၍ သူတို့နှင့် ဆွေးနွေးတိုင်ပင်သင့်ပါသည်။
ကျွန်ုပ်၏အကြောင်းအရာကို ကြော်ငြာရန် အမှတ်တံဆိပ်များကို အမြဲတမ်း ခွင့်ပြုသင့်ပါသလား။
၎င်းသည် ကိုယ်ပိုင်ရွေးချယ်မှု ဖြစ်သော်လည်း သင့်အကြောင်းအရာများကို ကြော်ငြာများအဖြစ် ပြသရန် အမှတ်တံဆိပ်များကို ခွင့်ပြုပေးခြင်းသည် အမှတ်တံဆိပ်အခွင့်အလမ်းများထံသို့ ပိုမိုဦးတည်သွားစေနိုင်ပါသည်။ မည်သည့် ထပ်ဆောင်းအသုံးပြုခွင့်များအတွက်မဆို မျှတသော ပေးချေမှုနှင့်ပတ်သက်ပြီး ညှိနှိုင်းရန် မမေ့ပါနှင့်။
ဝင်ငွေရရှိရန် နောက်ထပ်နည်းလမ်းများ
Meta ၏ ပလက်ဖောင်းများပေါ်တွင် ဝင်ငွေရှာရန် သင်အသုံးပြုနိုင်သည့် နောက်ထပ်ကိရိယာများကို ရှာဖွေကြည့်ပါ
